16:08 Հայ ինժեներները սահմանին անվտանգության ապահովման նոր համակարգ են ստեղծել |
«Locator» հայկական ընկերության ինժեներները սահմանին անվտանգության ապահովման նոր համակարգ են ստեղծել։ ՍՏԵՓԱՆԱԿԵՐՏ, հոկտեմբերի 2, ԱՐՑԱԽՊՐԵՍ։ Այս մասին Երեւանում DigiTec ՏՏ ցուցահանդեսի ժամանակ NEWS.am-ի թղթակցին հայտնել է ընկերության ներկայացուցիչ Կարեն Գրիգորյանը։ Սարքավորումը ստեղծվել է խորհրդային նմուշի զույգ զենիթային գնդացրի ԶՊՈՒ-2-ի հիմքի վրա, որը մասնագետները հարստացրել են նոր ավտոմատ տեխնոլոգիաներով։ «Եթե առաջ սարքավորումը պետք էր ձեռքով պտտել առանցքի շուրջ, ապա հիմա դա էլեկտրական շարժիչի շնորհիվ կարելի է անել ավտոմատ կերպով։ Իսկ ստանդարտ գնդացրից բացի, մենք ավելացրել ենք հակատանկային նռնականետ»,- նշել է Գրիգորյանը։ «Locator»-ի ինժեներները ստեղծել են նաեւ դիտման սարք, որը կարելի է միացնել զենքին՝ մեկին կամ մի քանիսին։ Սարքը թիրախը գտնում է ձայնով կամ օպտիկայով եւ անհրաժեշտության դեպքում հրահանգ է տալիս զենքին։ Դաշտային պայմաններին առավել պիտանելի լինելու համար սարքը հագեցած է էներգիայի նվազագույն սպառման մեխանիզմով։ DigiTec ամենամյա ցուցահանդեսի կազմակերպիչը Հայաստանի տեղեկատվական տեխնոլոգիաների ձեռնարկությունների միությունն է։ |
|
|
| Մեկնաբանություններն ընդամենը՝: 0 | |